नवी दिल्ली : प्रसिद्ध कंपनी शाओमीने भारतात आपला नवीन स्मार्टफोन Redmi Note 15 लाँच केला आहे. या वर्षीचा हा कंपनीचा भारतातील पहिला स्मार्टफोन आहे. हा Redmi Note 14 चा अपग्रेडेड मॉडेल आहे. Redmi Note 15 मध्ये कर्व्ड डिस्प्ले, क्वालकॉम स्नॅपड्रॅगन प्रोसेसर आणि 108MP कॅमेरा असणार आहे.
कंपनीने त्याच्यासोबत Xiaomi Pad 2 Pro देखील लाँच केला आहे. Redmi Note 15 ची सुरुवात २२९९९ पासून होते, ज्यामध्ये ८GB रॅम आणि १२८GB अंतर्गत स्टोरेज असेल. हे बँक कार्डवर ३००० च्या त्वरित कॅशबॅकसह मिळत आहे. ज्यामुळे त्याची किंमत १९९९९ पर्यंत होते. त्याच्या टॉप-एंड व्हेरिएंटची किंमत २४९९९ आहे आणि त्यात ३००० चा त्वरित कॅशबॅक देखील समाविष्ट आहे. रेडमी नोट १५ मध्ये ६.७७ इंचाचा एमोलेड डिस्प्ले आहे ज्याचा रिफ्रेश रेट १२० हर्ट्झ आणि पीक ब्राइटनेस ३२०० निट्स आहे. हा डिस्प्ले TUV ट्रिपल आय केअर प्रोटेक्शनसह येतो आणि हायड्रो २.० टचला सपोर्ट करतो.
रेडमी नोट १५ मध्ये क्वालकॉम स्नॅपड्रॅगन ६ जेन ३ चिपसेट दिला गेला आहे. यात ८GB RAM तर स्टोरेजमध्ये १२८GB आणि २५६GB असे पर्याय दिले गेले आहेत. रेडमी नोट १५ मध्ये १०८ एमपी कॅमेरासह ड्युअल रियर कॅमेरा सेटअप देण्यात आला आहे. तो ऑप्टिकल इमेज स्टॅबिलायझेशन आणि ४के रेकॉर्डिंगला सपोर्ट करतो. हा हँडसेट ८MP सेकंडरी कॅमेरा आणि २०MP फ्रंट कॅमेरासह येतो.
