नवी दिल्ली : सध्या अनेक स्मार्टफोन मार्केटमध्ये उपलब्ध आहेत. त्यात आता चीनी स्मार्टफोन ब्रँड Vivo ने आपला नवीन स्मार्टफोन Vivo V60e भारतात लाँच केला आहे. कंपनीच्या V60 सीरीजमधील हा नवीन फोन असणार आहे. हा फोन अनेक शक्तिशाली फीचर्ससह येतो. यात मीडियाटेक डायमेन्सिटी प्रोसेसर आहे. तो १२GB पर्यंत RAM आणि २५६GB पर्यंत स्टोरेज मिळत आहे.
या फोनमध्ये ड्युअल रियर कॅमेरा सेटअपही मिळत आहे. Vivo V60e मध्ये फास्ट चार्जिंग सपोर्टसह ६५००mAh बॅटरी देण्यात आली आहे. हँडसेटमध्ये AI Aura Light आहे. Vivo V60e तीन कॉन्फिगरेशनमध्ये लाँच करण्यात आला आहे. फोनच्या ८ जीबी रॅम + १२८ जीबी स्टोरेज व्हेरिएंटची किंमत २९९९९ रुपये आहे. ८ जीबी रॅम + २५६ जीबी स्टोरेज व्हेरिएंटची किंमत ३१९९९ रुपये आहे. टॉप-ऑफ-द-लाइन १२ जीबी रॅम + २५६ जीबी स्टोरेज व्हेरिएंटची किंमत ३३९९९ रुपये आहे.
तुम्ही हा फोन दोन कलर ऑप्शनमध्ये खरेदी करू शकता. एलिट पर्पल आणि नोबल गोल्ड हा कलर मिळणार आहे. हा स्मार्टफोन कंपनीच्या अधिकृत वेबसाईटवर उपलब्ध असेल. तुम्ही हा फोन अमेझॉन आणि फ्लिपकार्टवर देखील खरेदी करू शकता. विक्री १० ऑक्टोबरपासून सुरू होणार आहे.
असे आहेत स्पेसिफिकेशन्स?
Vivo V60e मध्ये १२० हर्ट्झ रिफ्रेश रेट सपोर्टसह ६.७७-इंचाचा क्वाड-कर्व्हड AMOLED डिस्प्ले आहे. स्क्रीन प्रोटेक्शनसाठी डायमंड शील्ड ग्लास वापरला जातो. स्मार्टफोन मीडियाटेक डायमेन्सिटी ७३६० टर्बो प्रोसेसरने चालवला आहे. तो १२ जीबी रॅम आणि २५६ जीबी पर्यंत स्टोरेजसह येईल.
