नवी दिल्ली : शाओमी इंडिया पोर्टलवर ‘शाओमी सुपर सेव्हर’ एक विशेष सेल सुरू झाला आहे. या सेलदरम्यान, स्मार्टफोन, स्मार्ट टीव्ही आणि ॲक्सेसरीजवर ऑफर्स उपलब्ध आहेत. या सेल बॅनर पेजवर दिलेल्या तपशीलानुसार, ५०% पर्यंत सूट उपलब्ध आहे. मात्र, यात अंतिम तारीख नमूद केलेली नाही.
शाओमी सुपर सेव्हर सेल बॅनरवर क्लिक केल्यावर याची माहिती मिळू शकते. या सेलमध्ये शाओमी टीव्ही, रेडमी स्मार्टफोन आणि रेडमी पॅडसह अनेक उत्पादने लिस्टेड आहेत. शाओमी सेलदरम्यान रेडमी पॅड आणि शाओमी पॅड उपलब्ध आहेत. रेडमी पॅड कव्हरसह १६००० च्या सुरुवातीच्या किमतीत लिस्टेड आहे. रेडमी पॅड २ स्मार्टफोनसह १८४९८ मध्ये सूचीबद्ध आहे. शाओमी सेल दरम्यान स्मार्ट टीव्हीदेखील उपलब्ध आहेत. ३२ इंच ते ७५ इंच पर्यंतचे टीव्ही उपलब्ध आहेत. शाओमी स्मार्ट टीव्ही एफ ३२ ची किंमत १०९९९ आहे.
शाओमीने सेलमध्ये ५० टक्क्यांपर्यंत सवलतीसह स्मार्टवॉचेस लिस्टेड केली आहेत. यामध्ये रेडमी वॉच ५ ॲक्टिव्ह, रेडमी वॉच ५ लाइट आणि रेडमी वॉच मूव्ह यांचा समावेश आहे. या वॉचची सुरुवातीची किंमत १९९९ आहे.
