नवी दिल्ली : सध्या अनेक स्मार्टफोन निर्मात्या कंपन्यांकडून स्मार्टफोनची निर्मिती केली जात आहे. ग्राहकांच्या पसंतीनुसार, कंपनीकडून अनेक फीचर्स दिले जात आहे. जर तुम्ही स्मार्टफोन खरेदी करण्याचा विचार करत असाल, तर ही एक चांगली संधी आहे. येत्या काळात स्मार्टफोनच्या किमती वाढणार आहेत.
सध्याच्या फोनच्या किमती वाढणार नसल्या तरी तुम्हाला नवीन स्मार्टफोनसाठी जास्त पैसे मोजावे लागू शकतात. हे जागतिक चिप मागणीमुळे आहे. स्मार्टफोनमध्ये तसेच एआय मॉडेल्समध्ये मेमरी चिप्स वापरल्या जातात. गेल्या काही वर्षांत, जगभरात अनेक एआय मॉडेल्स उदयास आले आहेत आणि नवीन मॉडेल्स सतत विकसित होत आहेत. यामुळे मेमरी चिप्सची मागणी वाढत आहे. रिपोर्टनुसार, आगामी फोनच्या किमती वाढू शकतात. सॅमसंग आणि इतर अनेक कंपन्या त्यांचे नवीन फोन जास्त किमतीत लाँच करू शकतात.
फोनमध्ये वापरलेली अल्ट्रा-फास्ट रॅम चॅटजीपीटी, जेमिनी, ग्रोक आणि इतर एआय बॉट्सना पॉवर देणाऱ्या एआय सर्व्हरमध्ये देखील वापरली जाते. एआय टूल्सच्या वाढत्या मागणीमुळे, चिप उत्पादक पुरवठा पूर्ण करू शकत नाहीत. शिवाय, मेमरी चिप्सच्या किमतीही वाढल्या आहेत. यावर्षी त्यांच्या किमती ५० टक्क्यांपर्यंत वाढल्या आहेत. हे स्मार्टफोन उत्पादकांसाठी आव्हान निर्माण करत असल्याचेही सांगण्यात आले.
