Vicky Kaushal and Katrina Kaif Blessed With Baby Boy: बॉलिवूडमधील सर्वाधिक चर्चेत असलेल्या जोडप्यांपैकी एक कतरिना कैफ आणि विकी कौशल यांनी अखेर त्यांच्या चाहत्यांसोबत एक मोठी आनंदाची बातमी शेअर केली आहे. लग्नाच्या चौथ्या वाढदिवसाच्या तोंडावरच या स्टार कपलने त्यांच्या घरी नव्या पाहुण्याचं स्वागत केलं आहे. कतरिना आणि विकी आता एका गोंडस मुलाचे आई-वडील झाले आहेत. या जोडीने सोशल मीडियावर एक संयुक्त पोस्ट शेअर करत ही माहिती दिली. पोस्टमध्ये त्यांनी लिहिलं आहे, ‘आमच्या आयुष्यात आमच्या आनंदाचं गाठोडं आलं आहे. खूप साऱ्या प्रेमाने आणि कृतज्ञतेने आम्ही आमच्या बाळाचं या जगात स्वागत करतो.’ या पोस्टसोबत त्यांनी टेडी बेअर असलेले एक सुंदर ग्राफिक देखील शेअर केलं आहे आणि त्याखाली तारीख लिहिलीय ७ नोव्हेंबर २०२५. पोस्ट पाहताच चाहत्यांनी आणि सेलिब्रिटींनी शुभेच्छांचा वर्षाव सुरू केला आहे.
सोशल मीडियावर शुभेच्छांचा वर्षाव
घोषणेनंतर काही तासांतच #VickyKatrinaParents हा हॅशटॅग ट्रेंड होऊ लागला. मनीष पॉल, गुनीत मोंगा, आणि अनेक सहकलाकारांनी “Congratulations!” म्हणत कमेंट्स केल्या. चाहत्यांनी या जोडप्याचे फोटो आणि त्यांचा आनंद शेअर करत “Made for each other” अशा प्रतिक्रिया दिल्या. कतरिना आणि विकी काही दिवसांपासून सार्वजनिक कार्यक्रमांपासून दूर होते. त्यामुळे चाहत्यांमध्ये तिच्या गरोदरपणाबद्दल अंदाज सुरू झाले होते. अखेर त्या चर्चा खरी ठरल्या आहेत.
View this post on Instagram
प्रेमकहाणीपासून पालकत्वापर्यंतचा प्रवास
कतरिना आणि विकीची जोडी २०१९ मध्ये चर्चेत आली. विकीने कॉफी विथ करण या शोदरम्यान मजेशीर अंदाजात कतरिनाला प्रपोज केलं होतं. त्यानंतर दोघांना अनेक कार्यक्रमांत आणि सुट्ट्यांमध्ये एकत्र पाहिलं गेलं, मात्र त्यांनी नात्याबद्दल कधीही उघडपणे बोललं नाही. 2021 मध्ये त्यांच्या लग्नाची बातमी समोर आली आणि चाहत्यांमध्ये जल्लोष उसळला. ९ डिसेंबर २०२१ रोजी राजस्थानमधील सिक्स सेन्सेस फोर्ट बरवाडा येथे त्यांच्या लग्नाचा भव्य समारंभ पार पडला. आता, चार वर्षांनी या जोडप्याने पालकत्वाचा सुंदर प्रवास सुरू केला आहे. चाहत्यांना त्यांच्या लहानग्याचा पहिला फोटो पाहण्याची उत्सुकता लागली आहे. सध्या ही जोडी मुंबईतच आहे आणि नातेवाईकांसह आनंद साजरा करत असल्याचे वृत्त आहे.
