मुंबई : लग्नानंतर आणि मुले झाल्यानंतर ग्लॅमर जगतातील अनेक अभिनेत्रींनी इंडस्ट्रीपासून स्वतःला दूर केले आहे. त्यात ‘साथ निभाना साथिया’ फेममधील रुचा हसबनीस ही या सेलिब्रिटींपैकी एक आहे. रुचाने या शोमध्ये ‘राशी बेन’ची भूमिका साकारली होती. तिच्या भूमिकेमुळे तिला घराघरात प्रसिद्धी मिळाली, परंतु लग्नानंतर तिने इंडस्ट्रीपासून स्वतःला दूर केले. मात्र, आता तब्बल ११ वर्षांनंतर तिच्या पुनरागमनाची चर्चा आहे.
गेल्या काही दिवसांपासून रुचा हसबनीस टीव्हीवर परतणार असल्याची चर्चा आहे. त्यावर तिने म्हटले की, ‘मी फक्त लिहिले होते की चांगल्या गोष्टी येत आहेत. लोकांनी ते उचलले आणि मी टीव्हीवर परतणार आहे असे गृहीत धरले. इतकेच नाही तर त्यांनी चॅनेलवर निर्णयही घेतला. माझे सहकलाकार आणि निर्माते देखील अंतिम केले गेले. ते खूप मजेदार आणि मनोरंजक होते. पण यात काहीही तथ्य नाही’. तसेच तिने पुढे म्हटले की, ‘मी स्वतः टीव्हीला मिस करत आहे आणि त्यात परत येण्यास उत्सुक आहे. अभिनय हा असा विषय आहे ज्यापासून तुम्हाला कधीही ब्रेक घ्यायचा नसतो. तुम्ही कॅमेऱ्यासमोर नसतानाही, तुम्ही तो एन्जॉय करत असता.’
२०१४ मध्ये जेव्हा रुचाने लग्न करण्याचा निर्णय घेतला तेव्हा ती तिच्या कारकिर्दीच्या शिखरावर होती. पण लग्नाच्या सहा महिने आधी तिने अभिनय सोडला. याबद्दल तिने म्हटले की, “मला आयुष्याच्या प्रत्येक टप्प्याचा आनंद घ्यायचा होता. लग्नानंतर चार वर्षांनी मी बाळाचे प्लॅनिंग केले. आणि त्याआधी, मी माझ्या पतीसोबत आयुष्याचे नवे दिवस सुरु केले”.
