नवी दिल्ली : सध्या Airtel, BSNL, Jio, Vi यांसारख्या अनेक मोबाईल नेटवर्क कंपन्या इंटरनेटसह कॉलिंगची सुविधा देत आहे. पण, त्यात BSNL ने एक नवीन प्रीपेड प्लॅन लाँच केला आहे. भारत कनेक्ट प्लॅन परवडणाऱ्या किमतीत आकर्षक सेवा देत आहे. या कंपनीकडून दररोज डेटा, अनलिमिटेड कॉलिंग आणि SMS फायदे देतो.
BSNL चा हा प्लॅन फायद्याचा ठरत आहे. हा प्लॅन अशा युजर्ससाठी लक्षात घेऊन लाँच करण्यात आला आहे ज्यांना वारंवार डेटा आणि कॉलिंग आणि एसएमएससाठी दीर्घकालीन वैधतेचा प्लॅन आवश्यक असतो. बीएसएनएल भारत कनेक्ट प्लॅन ३६५ दिवसांची वैधता देतो. कंपनीने सोशल मीडिया प्लॅटफॉर्म एक्सवर या प्लॅनबद्दल पोस्ट केले. हा प्लॅन मर्यादित काळासाठी आहे. बीएसएनएलच्या या प्लॅनची किंमत २६२६ रुपये आहे आणि त्याची वैधता ३६५ दिवसांची आहे. तो दररोज २.५ जीबी डेटा, अमर्यादित कॉलिंग आणि १०० एसएमएस संदेश देतो.
बीएसएनएलचा हा प्लॅन २४ जानेवारी रोजी लाँच झाला होता आणि २४ फेब्रुवारीपर्यंत उपलब्ध असेल. तुम्ही ते बीएसएनएल रिचार्ज एक्सप्रेस प्लॅटफॉर्म, बीआरईएक्स, कंपनीचा अधिकृत चॅटबॉट द्वारे अॅक्सेस करू शकता. नवीन प्रीपेड प्लॅनसह, कंपनीने त्यांचे ब्रॉडबँड प्लॅन देखील कमी केले आहेत. ब्रँडचा सुपरस्टार प्रीमियम ब्रॉडबँड प्लॅन आता ७९९ रुपयांना उपलब्ध आहे. पूर्वी, या प्लॅनची किंमत ९९९ रुपये होती.
