मुंबई : सध्या अनेक चित्रपट रिलीज होताना दिसत आहे. त्यात ‘अल्फा’ चित्रपटाची प्रेक्षकांमध्ये सतत चर्चा सुरू आहे. बॉबी देओलने आलिया भट्टसोबत काम करण्याबद्दल काही रंजक गोष्टी सांगितल्या आहेत.
सध्या बॉलिवूडमध्ये ॲक्शन चित्रपटांचा ट्रेंड झपाट्याने वाढत आहे. ‘अल्फा’ चित्रपटाची बरीच चर्चा होत आहे. हा चित्रपट विशेष मानला जातो कारण यात आलिया भट्ट आणि शर्वरी वाघ या दोन अभिनेत्रींनी दमदार ॲक्शन सीक्वेन्स सादर केले आहेत. या चित्रपटात बॉबी देओलदेखील एका महत्त्वाच्या भूमिकेत दिसणार आहे. बॉबी देओलने आपला अनुभव सांगितला. त्याने विशेषतः आलिया भट्टसोबत काम करण्याचा अनुभव अप्रतिम असल्याचे वर्णन केले.
मला खूप काळापासून आलिया आणि तिचा नवरा रणबीर कपूर या दोघांसोबत काम करण्याची इच्छा होती. मला ‘ॲनिमल’मध्ये रणबीरसोबत काम करण्याची संधी मिळाली आणि आता ‘अल्फा’मध्ये आलियासोबत स्क्रीन शेअर करणे हा माझ्यासाठी एक खूप खास अनुभव होता, असे बॉबी देओलने सांगितले.
रणबीर आणि आलियासोबत खूप छान अनुभव
बॉबी म्हणाला, “रणबीर आणि आलिया दोघेही अप्रतिम कलाकार आहेत आणि त्यांच्यासोबत काम करताना वातावरण नेहमीच चांगले असते. ‘ॲनिमल’च्या वेळी रणबीरसोबत माझे खूप चांगले नाते निर्माण झाले होते आणि आता ‘अल्फा’मध्ये आलियासोबत काम करताना खूप मजा आली.
