मुंबई : ‘बिग बॉस’ हा शो जेव्हा सुरु झाला तेव्हापासून त्याच्या चर्चा सुरु आहेत. कोणत्या ना कोणत्या कारणांमुळे हा शो चर्चेत आहे. सलमान खान या ‘वीकेंड का वार’मध्ये अनेक स्पर्धकांवर आपला राग काढणार आहे. शोचा एक नवीन प्रोमो रिलीज झाला आहे. प्रोमोमध्ये सलमान खान युट्यूबर मृदुल तिवारीला फटकारताना दिसत आहे, त्यानंतर तो भावनिक झाल्याचे दिसून आले.
‘वीकेंड का वार’च्या प्रोमोमध्ये, सुपरस्टार सलमान खान घरातील सदस्यांच्या कृतींवर संतापलेला दिसत आहे. या वीकेंडमध्ये मृदुल, अमाल मलिक आणि कुनिका सदानंद सलमानचे टार्गेट असणार आहेत. सलमानने मृदुलच्या खेळावर ‘मृदुल, तुला हा खेळ समजला का?’ असे म्हणत त्याने चांगले फटकारले. सलमान खानची खरडपट्टी ऐकून मृदुल हा रडताना दिसत आहे. तेव्हा तो हात जोडून सलमान खानशी बोलताना पाहिला मिळत आहे. मृदुलनंतर, सलमानने नेहल आणि अमल मलिकलाही फटकारले. तो नेहलला तान्याबाबत बोलल्याने संताप व्यक्त केला.
बिग बॉस या शोला फॅन्सची चांगलीच पसंती मिळताना दिसत आहे. अनेक स्पर्धक एकमेकांना चिडवताना, चेष्टा-मस्करी करताना दिसत आहेत. मात्र, ‘वीकेंड का वार’च्या प्रोमोमध्ये अनेक मोठ्या समोर आल्या आहेत. यात सलमान खानचा अँग्री लूकही चाहत्यांना पाहिला मिळत आहे. सध्या याची चर्चा सुरु झाली आहे.
