पुणे : बँकेत नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, भारतीय निर्यात-आयात बँक येथे काही रिक्त पदांवर भरती केली जाणार आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
भारतीय निर्यात-आयात बँक येथे कॉर्पोरेट कम्युनिकेशन्स ग्रुप आणि अधिकारी-पर्यावरण, सामाजिक आणि प्रशासन या पदांसाठी भरती प्रक्रिया सुरु होणार आहे. यासाठी ऑनलाईन पद्धतीने अर्ज करता येणार आहे. यामध्ये निवड झालेल्या उमेदवाराला मुंबई येथे जाऊन नोकरी करावी लागणार आहे. या प्रक्रियेंतर्गत 4 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
२१ सप्टेंबर २०२५ ही अर्ज करण्याची शेवटची तारीख असणार आहे. या भरती प्रक्रियेबाबत अधिक माहितीसाठी https://www.eximbankindia.in/ अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : अधिकारी – कॉर्पोरेट कम्युनिकेशन्स ग्रुप आणि अधिकारी – पर्यावरण, सामाजिक आणि प्रशासन
– एकूण रिक्त पदे : 04 पदे.
– नोकरीचे ठिकाण : मुंबई.
– अर्ज करण्याची पद्धत : ऑनलाइन.
– अर्ज प्रक्रिया सुरू होण्याची तारीख : ०१ सप्टेंबर २०२५.
– अर्ज करण्याची शेवटची तारीख : २१ सप्टेंबर २०२५.
