जीवनसत्त्वे तुमच्या शरीरासाठी खूप महत्वाची आहेत. ते शरीराला निरोगी आणि तंदुरुस्त ठेवण्यासाठी उपयुक्त ठरतात. व्हिटॅमिन डी हे देखील एक जीवनसत्त्व आहे, जे एक लपलेली आरोग्य समस्या बनत चालले आहे. तुमचे शरीर सूर्यप्रकाशापासून सहजपणे व्हिटॅमिन डी बनवू शकते. मात्र, सध्याच्या जीवनशैलीमुळे बरेच लोक त्याच्या कमतरतेशी झुंजत आहेत.
व्हिटॅमिन डी फक्त सूर्यप्रकाशाच्या माध्यमातून मिळते असे नाही. त्यासाठी अनेक पदार्थांमधून मिळू शकते. भारतात, दूध, दही आणि इतर काही पदार्थ ‘व्हिटॅमिन डी’ने समृद्ध असतात. म्हणून, दररोज एक ग्लास दूध किंवा एक वाटी दही पिणे हा व्हिटॅमिन डी वाढवण्याचा एक सोपा मार्ग आहे. स्मूदीमध्ये दूध मिसळा, दह्यासोबत फळे खा किंवा पराठ्यांमध्ये फोर्टिफाइड चीज वापरा. सोया, बदाम आणि ओट मिल्क बहुतेकदा व्हिटॅमिन डी आणि कॅल्शियमने समृद्ध असतात. जे शाकाहारींसाठी व्हिटॅमिन डीचा एक उत्कृष्ट स्रोत ठरू शकतात.
मशरूमही फायद्याचे ठरू शकते. काही मशरूम सूर्यप्रकाशाच्या संपर्कात आल्यावर व्हिटॅमिन डी तयार करतात. उन्हात वाळवलेले शिताके, मैताके किंवा पोर्टोबेलो मशरूम हे व्हिटॅमिन डीचे चांगले स्रोत आहेत. त्यामध्ये रोगप्रतिकारक शक्ती वाढवणारे अँटीऑक्सिडंट्स देखील असतात. हे मशरूम स्ट्राई-फ्राय, सूपमध्ये शिजवा किंवा लसूण घालून परतून घ्या. व्हिटॅमिन डी वाढवण्यासाठी, ताजे मशरूम शिजवण्यापूर्वी 30 मिनिटे उन्हात ठेवा.
