पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. तुम्ही देखील नोकरीच्या शोधात आहात? तर तुमच्यासाठी ही आनंदाची बातमी असणार आहे. कारण, वित्त विभाग महाराष्ट्र येथे रिक्त पदावर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन आणि ऑफलाईन या दोन्ही पद्धतीने अर्ज करता येणार आहे.
वित्त विभाग महाराष्ट्र, लेखा व कोषागारे, मुंबई येथे सेवानिवृत्त अधिकारी (उपसंचालक आणि लेखा अधिकारी) या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला मुंबई येथे जाऊन नोकरी करावी लागणार आहे. या प्रक्रियेंतर्गत चार रिक्त पदे भरली जाणार आहेत. यासाठी अर्ज करण्याची शेवटची तारीख 15 मे 2026 ही असणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे. यामध्ये निवड झालेल्या उमेदवाराला पगारही चांगला मिळणार आहे. यात वयोमर्यादाही ठरवण्यात आली आहे.
यामध्ये ऑनलाईन पद्धतीने अर्ज करता येणार आहे. jdreformsdat.mum-mh@mah.gov.in या ई-मेल आयडीवर अर्ज पाठवावा लागणार आहे. या भरती प्रक्रियेबाबत अधिक माहितीसाठी https://mahakosh.maharashtra.gov.in/ या अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : सेवानिवृत्त अधिकारी (उपसंचालक आणि लेखा अधिकारी).
– एकूण रिक्त पदे : 04 पदे.
– नोकरीचे ठिकाण : मुंबई.
– अर्ज करण्याची पद्धत : ऑनलाइन (ई- मेल) / ऑफलाइन.
– अर्ज प्रक्रिया सुरू होण्याची तारीख : 09 मे 2026.
– अर्ज करण्याची शेवटची तारीख : 15 मे 2026.
– अर्ज पाठवण्याचा पत्ता : संगणक कक्ष, लेखा व कोषागारे संचालनालय, नवीन प्रशासकीय इमारत, ५ वा मजला, मादाम कामा मार्ग, मंत्रालयासमोर, मुंबई-३२.
– अर्ज पाठवण्याचा ई-मेल आयडी : jdreformsdat.mum-mh@mah.gov.in
