मुंबई : चित्रपटसृष्टीतील सर्वात प्रसिद्ध संगीतकारांपैकी एक असलेले ए. आर. रहमान सध्या वादात अडकले आहेत. त्यांनी ‘छावा’ला ‘विभाजनकारी चित्रपट’ म्हटले आणि बॉलीवूडमध्ये जातीयवाद असल्याचा दावा केला. रहमान यांच्या या विधानानंतर सोशल मीडियासह बॉलीवूडमध्ये वाद निर्माण झाला.
आता, त्यांच्या विधानानंतर काही दिवसांनी, रहमान नेटफ्लिक्सच्या ‘द ग्रेट इंडियन कपिल शो’मध्ये पहिल्यांदाच दिसणार आहे. कॉमेडी स्टार कपिल शर्माच्या शोचा हा भाग ३१ जानेवारीला प्रसिद्ध जाला. या शोचा प्रोमो मोठ्या प्रमाणात व्हायरल झाला होता. त्यात, होस्ट कपिल शर्मा रहमानची गंमत करताना दिसत आहे. कपिल संगीत दिग्दर्शकाची एका शब्दात उत्तरे दिल्याबद्दल त्याची खिल्ली उडवतो. त्याच्यासोबत शोमध्ये ‘गांधी टॉक्स’ या मूकपटाचे कलाकार सामील झाले आहेत. नेटफ्लिक्सच्या प्रोमोमध्ये कपिल अभिनेत्री अदिती राव हैदरी, विजय सेतुपती, सिद्धार्थ जाधव आणि रहमान यांचे शोमध्ये स्वागत करताना दिसून आला.
कपिल कॉमेडी करताना संगीतकार रहमानला लता मंगेशकर यांच्या गाण्यांची सीडी हाताने घेण्यास सांगतो. त्यानंतर मला वचन द्या की जर मी तुम्हाला एका ओळीचा प्रश्न विचारला तर तुम्ही एकाच ओळीत उत्तर द्याल. कारण जेव्हा तुम्ही रहमानला चार ओळींचा प्रश्न विचारता तेव्हा ते नेहमीच एका शब्दात उत्तर देतात. हो, नाही, खूप चांगले, असे म्हणत कॉमेडी सुरु केली.
