Mamta Kulkarni’s Controversial Statement: लोकप्रिय अभिनेत्री ते आता संत बनलेली ममता कुलकर्णी पुन्हा एकदा चर्चेत आली आहे. गोरखपूरमध्ये झालेल्या कार्यक्रमात दाऊद इब्राहिमबद्दल विचारले असता, ममता यांनी केलेल्या विधानाने सोशल मीडियावर खळबळ उडवली आहे. त्या म्हणाल्या, ‘माझा दाऊदशी काहीही संबंध नव्हता. त्याचा उल्लेख झाला होता, पण त्याने देशविरोधी काहीही केले नाही. मी कधीही त्याला भेटले नाही.’ या वक्तव्यानंतर ‘दाऊद दहशतवादी नाही’ असे सांगितल्याचा अर्थ घेत सोशल मीडियावर ममतांची जोरदार चर्चा सुरू झाली. अनेकांनी त्यांच्या विधानावर टीका केली, तर काहींनी त्याला चुकीचा अर्थ लावल्याचे म्हटले.
यानंतर ममता कुलकर्णी यांनी स्वतःच स्पष्टीकरण दिले. त्या म्हणाल्या, ‘मी केवळ गैरसमज दूर करण्यासाठी बोलले. माझे नाव कधीही दाऊदशी जोडले गेले नाही. मी कोणत्याही देशविरोधी कृतीशी संबंधित नव्हते. लोकांनी विवेकबुद्धी वापरून माझे बोलणे ऐकावे.’ गोरखपूरमधील पीपीगंज येथील कार्यक्रमात ममता कुलकर्णी महामंडलेश्वर लक्ष्मी किन्नर यांच्यासह सहभागी झाल्या होत्या. त्या सध्या महामंडलेश्वर यमाई ममता नंदगिरी या नावाने धार्मिक कार्यात सक्रिय आहेत.
View this post on Instagram
एकेकाळी बॉलिवूडमध्ये ‘करण अर्जुन’, ‘सबसे बड़ा खिलाड़ी’, ‘बाजी’ सारख्या चित्रपटांतून आपले सौंदर्य आणि अभिनयाने प्रेक्षकांना भुरळ घालणारी ममता, आता पूर्णपणे धर्म आणि साधनेच्या मार्गावर वळली आहे.
