मुंबई : ‘कॉकटेल’च्या सिक्वेल ‘कॉकटेल २’ ची घोषणा झाल्यापासून, तो सतत चर्चेत आहे. प्रेक्षक या रोमँटिक ड्रामा चित्रपटाची आतुरतेने वाट पाहत आहेत. या चित्रपटात शाहिद कपूर, कृती सॅनॉन आणि रश्मिका मंदाना यांच्या प्रमुख भूमिका आहेत. आता, ‘कॉकटेल २’ मध्ये अभिनेत्री दीपिका पदुकोणला कास्ट करण्यात आले आहे.
दीपिका पदुकोण या चित्रपटात कॅमिओ करू शकते. ती पुन्हा एकदा वेरोनिकाच्या भूमिकेत परतणार आहे. ‘कॉकटेल २’ मध्ये दीपिका कॅमिओ करू शकते, अशा रेडिटवरील एका पोस्टमुळे चाहत्यांमध्ये उत्साहाचे वातावरण आहे. ती २०१२ च्या ‘कॉकटेल’ चित्रपटातील तिच्या बोल्ड पात्र, वेरोनिकाच्या भूमिकेत परत येऊ शकते. त्या पोस्टनुसार, दीपिकाने काही महिन्यांपूर्वी मॅडॉक फिल्म्सच्या ऑफिसला भेट दिली होती. त्यावेळी, अनेकांनी असा अंदाज लावला होता की ही भेट ‘महावतार’ चित्रपटाशी संबंधित होती, परंतु पोस्टमध्ये असा दावा करण्यात आला आहे की सिक्वेलमधील वेरोनिकाच्या भूमिकेसाठी तिला सतत विचारणा होत होती. तिने होकार दिला.
दीपिकाने ‘कॉकटेल’मध्ये वेरोनिकाची भूमिका साकारली होती. वेरोनिका हे दीपिका पदुकोणच्या सर्वात लोकप्रिय पात्रांपैकी एक आहे. २०१२ च्या ‘कॉकटेल’ चित्रपटात, वेरोनिका (दीपिका) तिची जिवलग मैत्रीण मीरा (डायना पेंटी) आणि तिचा प्रियकर गौतम (सैफ अली खान) यांच्यासोबत एका प्रेम त्रिकोणात अडकते. मात्र, या चित्रपटातील दीपिकाच्या कॅमिओबद्दल अद्याप कोणतीही अधिकृत माहिती समोर आलेली नाही.
