मुंबई : सध्या ‘बिग बॉस’ शो ला प्रेक्षकांची चांगली पसंती दिसून येत आहे. हा शो घराघरात पोहोचला आहे. त्यातच दररोज नवीन ट्विस्ट येत आहेत. फॅन्सना प्रत्येक एपिसोडचा आनंद घेता यावा यासाठी निर्माते प्रयत्न करतात. गेल्या आठवड्यातही तो खूपच आश्चर्यकारक होता. शोमध्ये पहिल्यांदाच दुसरे एव्हिक्शन झाले, ज्यामध्ये दोन स्पर्धक, बसीर अली आणि नेहल चुडासमा यांना एलिमिनेट करण्यात आले.
या आठवड्यात, विनोदी कलाकार प्रणीत मोरे याला घराचा नवा कॅप्टन म्हणून नियुक्त करण्यात आले. त्याच्यासोबत शाहबाज बदेशा देखील कॅप्टनपदाच्या शर्यतीत होता. मात्र, प्रणीतने त्याला मागे टाकले आणि कॅप्टनपदावर पोहोचला. ‘बिग बॉस’च्या घराचा कॅप्टन म्हणून त्याची ही पहिलीच वेळ होती. त्याच्या नियुक्तीत त्याच्या जवळच्या मित्रांचा मोठा वाटा होता. पण आता, असे दिसते की प्रणीत घराची जबाबदारी घेण्यापूर्वीच शोमधून एलिमिनेट होईल.
एका वृत्तानुसार, प्रणित मोरेला घराबाहेर काढण्यात आले आहे. सुरुवातीला असे म्हटले जात होते की, त्याला एका गुप्त खोलीत ठेवण्यात आले होते. मात्र, नंतरच्या वृत्तानुसार विनोदी कलाकाराला शो सोडावा लागला. घराचा कॅप्टन झाल्यानंतर एखाद्या स्पर्धकाला बाहेर काढण्यात आल्याचे यातून दिसून येत आहे.
