मुंबई : इम्तियाज अलीचा ‘जब वुई मेट’ हा चित्रपट आजही अनेकांचा आवडता आहे. नवीन पिढीही त्याचा आनंद घेत आहे. नुकतेच, इम्तियाज अलीने खुलासा केला की, शाहिद कपूर आणि करीना कपूर खान यांच्या मुलांनीही हा चित्रपट पाहिला आहे.
इम्तियाज यांनी सांगितले की, शाहिद आणि करीनाची मुले त्यांच्या पालकांचा चित्रपट पाहत आहेत, हे त्याला खूप आवडते. शाहिदने यापूर्वी एका मुलाखतीत सांगितले होते की, त्यानेच आपल्या मुलांना ‘जब वुई मेट’ पहिल्यांदा दाखवला होता. करिनाने सांगितले की, तिच्या मुलांनी पाहिलेला हा पहिला चित्रपट होता. इम्तियाजने गंमतीने हे देखील उघड केले की मीरा राजपूत कपूरला ‘जब वी मेट’ पेक्षा त्याचे इतर चित्रपट जास्त आवडतात. मला वाटतं मीराला ‘जब वी मेट’ पेक्षाही ‘रॉकस्टार’ जास्त आवडतो. ती ‘रॉकस्टार’ आणि ‘तमाशा’ची खूप मोठी चाहती आहे.
इम्तियाजने पुढे हेही उघड केले की, एकदा जेव्हा तो शाहिद कपूरच्या घरी गेला होता, तेव्हा मीराने त्याच्यासाठी एक गाणे गायले होते, पण ते शाहिदच्या कोणत्याही चित्रपटातील नव्हते. शाहिद कपूर शेवटचा ‘ओ रोमियो’ या चित्रपटात दिसला होता, जो १३ फेब्रुवारी २०२६ रोजी प्रदर्शित झाला. करीना कपूर शेवटची ‘सिंघम अगेन’मध्ये दिसली होती, जो १ नोव्हेंबर २०२४ रोजी प्रदर्शित झाला. त्यानंतर ती अनेक ओटीटी चित्रपटांमध्ये दिसली आहे.
