नवी दिल्ली : गेल्या पाच वर्षांपूर्वी जगाने कोविड-१९ महामारीचा सामना केला आहे, ज्यामुळे प्रत्येक देश, प्रत्येक समाज आणि प्रत्येक व्यक्तीचे जीवन बदलून गेले आहे. जग अजूनही कोविड-१९ मधून सावरत असतानाच, अमेरिकेतून एक बातमी समोर आली. अहवालानुसार, कोविड-१९ चा एक नवीन प्रकार, ‘सिकाडा व्हेरिएंट’ (BA.3.2), अमेरिकेत वेगाने पसरत आहे. या नवीन विषाणूची लक्षणे आणि त्याच्या प्रसाराच्या वेगामुळे आरोग्य तज्ज्ञ अत्यंत सतर्क झाले आहेत.
हा व्हेरिएंट लसीकरण झालेल्या लोकांनाही प्रभावित करत आहे. मात्र, दिलासादायक बाब ही आहे की, मृत्यूदरात अद्याप लक्षणीय वाढ झालेली नाही. शास्त्रज्ञांच्या मते, सिकॅडाचा हा प्रकार पूर्वी बऱ्याच काळापासून शांतपणे पसरत होता आणि आता तो पुन्हा समोर आला आहे. प्राथमिक अभ्यासानुसार, यात प्रतिकारशक्तीला चकमा देण्याची क्षमता असू शकते, परंतु आतापर्यंतच्या माहितीनुसार तो अधिक प्राणघातक किंवा रुग्णालयात दाखल होण्याची अधिक शक्यता असलेला आढळलेला नाही.
प्राथमिक तपासणीत असे दिसून आले आहे की, सिकॅडाच्या या प्रकाराची लक्षणे सामान्य फ्लूच्या लक्षणांसारखीच आहेत, परंतु त्यामुळे शरीर अधिक लवकर थकते. प्रमुख लक्षणांमध्ये तीव्र ताप, घसा खवखवणे, सततचा खोकला आणि तीव्र अंगदुखी यांचा समावेश आहे. काही रुग्णांना श्वास घेण्यास पुन्हा त्रास होणे आणि चव व वास जाणे या समस्यांचाही अनुभव येत आहे.
सीडीसीनुसार, BA.3.2 आतापर्यंत अमेरिकेतील अंदाजे २५ राज्यांमध्ये आणि जगभरातील २३ पेक्षा जास्त देशांमध्ये (जसे की डेन्मार्क, जर्मनी आणि नेदरलँड्स) आढळून आला आहे. जागतिक स्तरावर, पहिली केस नोव्हेंबर २०२४ मध्ये दक्षिण आफ्रिकेत आढळली आणि सप्टेंबर २०२५ पासून तेथे केसेस वाढू लागल्या.
