Devendra Fadnavis Met Sanjay Raut: मुंबईत अन्न व नागरी पुरवठा सचिव राजेश नार्वेकर यांच्या मुलाच्या विवाह सोहळ्यात मुख्यमंत्री देवेंद्र फडणवीस आणि शिवसेना ठाकरे गटाचे नेते संजय राऊत यांची भेट झाली आहे. सूत्रांच्या माहितीनुसार, दोन्ही नेत्यांमध्ये सुमारे 20 मिनिटांची चर्चा पार पडली. मात्र, यावेळी दोघांमध्ये कोणतीही राजकीय चर्चा झाली नाही. विवाह सोहळ्यात उपस्थित असलेल्या देवेंद्र फडणवीस यांनी संजय राऊत यांच्या तब्येतीची विचारपूस केली आणि आवश्यक उपचारांसाठी मदत करण्याचे आश्वासन दिले. यावर राऊत यांनी आभार व्यक्त केले. तसेच, या विवाह सोहळ्यात राज्याचे मंत्री आशिष शेलारही उपस्थित होते आणि त्यांनी देखील दोन्ही नेत्यांशी संवाद साधला.
हेही वाचा – Devendra Fadnavis : उद्याची मतमोजणी रद्द, देवेंद्र फडणवीसांची पहिली प्रतिक्रिया
राजकीय वर्तुळात या भेटीला विशेष महत्त्व दिले जात आहे, कारण अलीकडेच नगर परिषद आणि नगर पंचायत निवडणुकीत भाजप आणि शिवसेना शिंदे गटात तणावाचे वातावरण निर्माण झाले होते. याप्रकरणी एकनाथ शिंदे यांनी याआधी अमित शाह यांची भेट घेतली होती.
हेही वाचा – Sanjay Raut : आजारपणानंतर संजय राऊतांची पहिली पत्रकार परिषद, शिंदे-भाजपवर सडकून टीका, काय म्हणाले?
दरम्यान, नार्वेकर यांच्या मुलाच्या विवाह सोहळ्यानिमित्त देवेंद्र फडणवीस आणि संजय राऊत एका फ्रेममध्ये दिसले. त्यामुळे या दोघांमध्ये कोणत्याही स्वरुपाची राजकीय चर्चा झाली नसल्याचे स्पष्ट झाले आहे. संजय राऊत यांनी प्रकृती अस्वस्थतेमुळे सार्वजनिक कार्यक्रमांपासून दूर राहण्याचे जाहीर केले होते.
