मुंबई : टीव्ही इंडस्ट्री आणि ‘बडे अच्छे लगते हैं’ फेम अभिनेत्री चाहत खन्ना सध्या तिच्या एका वक्तव्यामुळे चर्चेत आहे. तिने नुकतेच तिच्या धर्मांतराविषयी आणि वैयक्तिक आयुष्याबद्दल उघडपणे भाष्य केले आहे. इस्लाम धर्म स्वीकारण्याचा तिचा निर्णय तिचा स्वतःचा होता, त्यावर कोणीही तिला जबरदस्ती केली नव्हती, असे तिने म्हटले आहे. तसेच तिने तिच्या घटस्फोटाबद्दल आणि वादांबद्दलही भाष्य केले.
चाहत खन्नाने नुकतेच यावर भाष्य केले. “माझ्या शब्दांचा नेहमीच चुकीचा अर्थ लावला जातो. आजही, मी काही बोलले तर, त्यातील एक ओळ उचलून तिचा विपर्यास केला जातो. मी एक खूप निधर्मी व्यक्ती आहे. मी दिवाळीइतक्याच प्रेमाने ईद साजरी करते. मी इस्लाम धर्म स्वीकारला आणि तो माझा स्वतःचा निर्णय होता. माझ्यावर जबरदस्ती केली गेली, पण मी असे कधीही म्हटले नाही. माझा इस्लाम आणि सनातन धर्म या दोन्हींवर विश्वास आहे आणि मी स्वतःला कोणत्याही एका धर्मापुरते मर्यादित ठेवत नाही.
याव्यतिरिक्त, चाहत पुढे म्हणाली, मला खूप वाईट, निराश आणि घाबरल्यासारखे वाटत होते. माझी प्रतिष्ठा कमी होत आहे असे मला वाटत होते. काही लोक तर असेही म्हणाले की मला काम मिळणार नाही. मात्र, जसजसे मला आयुष्य आणि लोकांबद्दल अधिक समज येऊ लागली, तसतसा माझा आत्मविश्वास वाढला आणि या सर्व गोष्टी क्षुल्लक वाटू लागल्या.
