मुंबई : बॉलिवूडचा बादशाह शाहरुख खानच्या चाहत्यांसाठी आनंदाची बातमी समोर आली आहे. शाहरूख खान लवकरच फिल्मफेअर अवॉर्ड्स होस्ट करणार आहे. 70 वा फिल्मफेअर अवॉर्ड्स ११ ऑक्टोबर रोजी गुजरातमधील अहमदाबाद येथे होणार आहे. या कार्यक्रमाचा प्रत्येक क्षण ऐतिहासिक असणार आहे, शाहरुख खान स्टेजवर असणार आहे. फॅन्सला आता उत्सुकता लागली आहे.
शाहरुख खान फिल्मफेअर अवॉर्ड्सचे आयोजन करण्यास उत्सुक आहे. याबाबत शाहरूख खान म्हणाला, मी गेल्या काही वर्षांत माझ्या सहकाऱ्यांसोबत आणि चाहत्यांसोबत असंख्य आठवणी शेअर केल्या आहेत. हा प्रेम, सिनेमा आणि जादूचा प्रवास आहे. ७० व्या वर्षी सह-होस्ट म्हणून परतणे खरोखरच खास आहे. आपण ही एक मेमोरेबल नाईट बनवू. ही नाईट हास्य, आठवणी आणि आपल्या सर्वांना आवडणाऱ्या चित्रपटांच्या उत्सवाने भरलेली असेल.
करण जोहर आणि मनीष पॉल शाहरुख खानसोबत फिल्मफेअर अवॉर्ड्सचे आयोजन करतील. होस्ट होण्याबद्दल करण जोहर म्हणाला, ‘फिल्मफेअर हा केवळ एक पुरस्कार नाही; तो एक वारसा आहे ज्याने भारतीय चित्रपटसृष्टीच्या कथेला आकार दिला आहे. २००० पासून, मी जवळजवळ प्रत्येक फिल्मफेअर पुरस्कार समारंभाला उपस्थित राहिलो आहे आणि अनेकांचे आयोजन केले आहे. आपण ७० गौरवशाली वर्षे साजरी करत असताना, को-होस्टिंग करण्यास मला खरोखर आनंद होत आहे. या वर्षीचा कार्यक्रम सर्वात मेमोरेबल असेल’.
