नवी दिल्ली: अमेरिका आणि चीनमधील तणाव हे नवीन नाही, मात्र माजी अध्यक्ष डोनाल्ड ट्रम्प यांनी शुल्क लादल्यानंतर या तणावात अधिक वाढ झाली. याच पार्श्वभूमीवर अमेरिकन अंतराळ संस्था NASA ने चीनविरोधी कठोर पाऊल उचलले आहे. या निर्णयामुळे नासाच्या कार्यक्रमांमध्ये काम करण्याचे स्वप्न पाहणाऱ्या चिनी नागरिकांना मोठा धक्का बसला आहे.
अमेरिकन सरकारकडून जाहीर करण्यात आलेल्या आदेशानुसार, आता चिनी नागरिकांना नासामध्ये कोणत्याही अंतराळ कार्यक्रमात सहभागी होता येणार नाही. अमेरिकेत व्हिसावर राहणाऱ्या नागरिकांनाही ही बंदी लागू होणार आहे. ट्रम्प प्रशासनातील वाढत्या चीनविरोधी भूमिकेच्या पार्श्वभूमीवर हा निर्णय घेतला गेला असल्याचे अधिकाऱ्यांनी स्पष्ट केले.
नासाच्या प्रेस सेक्रेटरी बेथानी स्टीव्हन्स यांनी माध्यमांशी बोलताना सांगितले की, ‘आमच्या कामाची सुरक्षितता टिकवण्यासाठी आणि आमच्या सुविधा, वस्तू तसेच नेटवर्कला सायबर आणि फिजिकल धोक्यापासून वाचवण्यासाठी ही कारवाई करण्यात आली आहे.’
NASA blocks Chinese citizens from working on space programshttps://t.co/mC7mtdUtlT pic.twitter.com/PX9ANu5cBJ
— AFP News Agency (@AFP) September 11, 2025
गेल्या काही दिवसांपासून नासामध्ये काम करणाऱ्या अनेक चिनी नागरिकांना बाहेरचा मार्ग दाखवण्यात आला आहे. त्यांना अचानक IT सिस्टिममधून लॉगआउट करण्यात आले तसेच महत्वाच्या बैठकींना उपस्थित राहण्यासही बंदी घालण्यात आली. त्यामुळे नासामधील चिनी कर्मचाऱ्यांचे भविष्य आता अधांरात आहे.
