Sangli Crime: सांगली जिल्ह्यातील ईश्वरपूर येथे घडलेल्या एका गंभीर घटनेने परिसर हादरून गेला आहे. अल्पवयीन मुलीच्या असहायतेचा गैरफायदा घेत दोन गुन्हेगारी पार्श्वभूमी असलेल्या व्यक्तींनी तिचे अपहरण करून तिच्यावर अत्याचार केल्याचा प्रकार उघडकीस आला आहे. या घटनेनंतर संतप्त प्रतिक्रिया उमटत असून पोलिसांनी तातडीने कारवाई करत दोघा संशयितांना ताब्यात घेतले आहे. पीडित मुलीच्या आईने ईश्वरपूर पोलिस ठाण्यात तक्रार दाखल केली आहे. त्यानुसार ऋतिक दिनकर महापुरे आणि आशिष जयवंत खांबे (रा. खांबे मळा, कामेरी रस्ता, ईश्वरपूर) यांच्याविरोधात अपहरण, बलात्कार तसेच बाललैंगिक अत्याचार प्रतिबंधक कायद्यान्वये गुन्हा नोंदवण्यात आला आहे. मंगळवारी रात्री सुमारे नऊच्या सुमारास हा प्रकार घडल्याचे पोलिसांनी सांगितले.
हेही वाचा – Maval Rape and Murder Case: मावळ हादरलं! 5 वर्षांच्या चिमुकलीची अत्याचार करून हत्या; पोलिसांची शोधमोहीम सुरू
आई कामावरून घरी परतल्यानंतर तिला मुलगी घरात नसल्याचे लक्षात आले. आजूबाजूला शोध घेऊनही मुलगी न सापडल्याने तिने पोलिसांकडे धाव घेतली. काही वेळातच पोलिसांनी मुलीचा शोध घेऊन तिला सुरक्षितपणे ठाण्यात आणले. त्यानंतर मुलीने आपल्यासोबत घडलेला प्रकार सांगितल्यावर प्रकरणाचे गांभीर्य स्पष्ट झाले. घटनेनंतर पीडित मुलगी मदतीच्या शोधात शहराच्या दिशेने आली. शहराच्या जवळील एका चौकात नागरिकांच्या लक्षात येताच त्यांनी तिला तात्काळ मदत केली, आवश्यक कपडे दिले आणि पोलिसांना कळवले. नागरिकांच्या तत्परतेमुळे पुढील अनर्थ टळला.
हेही वाचा – Beed Crime : कलाकेंद्रात कामाचे आमिष दाखवून बारामतीच्या तरुणीवर सामूहिक अत्याचार; एका चार जणांवर गुन्हा दाखल
या घटनेमुळे ईश्वरपूर परिसरात तीव्र संताप व्यक्त केला जात असून दोषींवर कठोरात कठोर कारवाई करण्याची मागणी होत आहे. पोलिसांकडून पुढील तपास सुरू असून पीडितेला न्याय मिळवून देण्यासाठी सर्वतोपरी प्रयत्न केले जात असल्याचे पोलिसांनी स्पष्ट केले आहे.
